ලොව පුරා ඉස්ලාම් බැතිමතුන් මාසයක් පුරා උපවාස ශීලය රැකීමෙන් අනතුරුව නව සඳ බැලීමෙන් පසු එළැඹෙන ඊදුල් ෆීතර් උත්සවය ඉස්ලාමීය ආගමික දින දර්ශනයේ අතිශය වැදගත් උත්සවයක් ලෙස හැඳින්විය හැකිය. ඉස්ලාම් දහම තුළ පවතින අධ්‍යාත්මික හර පද්ධතිය මෙන් ම මානව හා සමාජ වටිනාකම් මැනවින් හඳුනා ගැනීමට රාමසාන් හෙවත් ඊදුර් ෆීතර් උත්සව සමය කදිම අවස්ථාවකි. ජනතාව විසින් දියත් කරන ලද සාමකාමී අරගල සමයේ අප මෙකී සහෝදරත්වයේ දෑත් රට වෙනුවෙන් දික් වූ අයුරු දැක්කෙමු. සිංහල, හින්දු, කතෝලික, ඉස්ලාම් යනාදී කුමන ජාතියක් නියෝජනය කළත් අප රට වෙනුවෙන් එකම ජාතියක් ලෙසින් එක මවකගේ දරුවන් ලෙසින් පෙරට පැමිණියෙමු. ඒ සහෝදරත්වයේ දෑත ඉදිරියටත් ශක්තිමත් කිරීමට හැකිවේවා යනුවෙන් මේ උතුම් රාමසාන් දිනයේ හදවතින්ම ප්‍රාර්ථනා කර සිටිමි. ඒ තුළින් බංකොලොත් වී ඇති අප රට ලෝකයේ අංක 1 රට බවට පත් කිරීමට අවශ්‍ය ශක්තිය ලබා ගැනීමට එක්වන ලෙස ගෞරවයෙන් ඉල්ලා සිටිමි. ශ්‍රී ලාංකික මෙන් ම සමස්ත ලෝ වැසි සහෝදර මුස්ලිම් ජනතාවට සාමය, සංහිදියාව සපිරි ප්‍රීතිමත් රාමසාන් උළෙලක් වේවා යි හෘදයාංගම සුභාශිංසන පිරිනමමි.

අලුතින් නෙළා ගත් අස්වැන්න හිරු දෙවියන් වෙත පූජා කර එළැඹෙන වසරේ යහපත උදා කර දෙන මෙන් මෙහි දී ඉල්ලා සිටියි. අප රට තුළ නිර්මාණය වූ බංකොලොත්භාවයත් සමඟ ඇති වූ අභියෝගාත්මක වසරක් අවසානයේ තවත් අභියෝග රැසකින් යුත් වසරකට අප එළැඹ තිබේ. මෙකී අභියෝගයන්ට අප ජාති, ආගම්, කුල, ගෝත්‍ර භේදයකින් තොරව මුහුණ දිය යුතු වේ. ඒ සඳහා අවශ්‍ය වන ස්වාභාව ධර්මයේ ආශිර්වාදය මෙවර තෛපොංගල් දිනයේදී ලබා ගෙන ලෝකයේ අංක 1 රට බවට පත්වීමේ නව ගමනකට, නව වෙනසකට එක්වන ලෙස සකළ ලෝකවාසී ශ්‍රී ලාංකිකයන්ගෙන් මේ මොහොතේ ඉල්ලා සිටියි.

මේ එළැඹෙන නව වසර ශ්‍රී ලාංකික අපට තීරණාත්මක වර්ෂයකි. එය රටේ අනාගතය තීරණය කරන මැතිවරණ රැසක් පැවැත්වීමට නියමිත වර්ෂයකි. එබැවින් මෙතෙක් අප ලබා ඇති ජයග්‍රහණයන් හි ඵල සාමකාමීව භුක්ති විඳිමින් ප්‍රජාතන්ත්‍රවාදය ආරක්ෂා කර ගනිමින් ජාතික අපේක්ෂා සම්පූර්ණ කර ගැනීමට සියලු දෙනාම එකට එක්වන ලෙස ඉල්ලා සිටිමි. මේ නව වසරේ හෝ ජනතා අභිලාෂයන් ඉටු කර ගැනීමට හැකියාව ලැබේවා යන්න මාගේ ඒකායන ප්‍රාර්ථනයයි.

කුමන ජීවන තත්ත්වයක් ගත කළ ද කුඩා පැල්පතේ සිට මහා මන්දිරයේ සිටින මිනිසුන් දක්වා තමන්ට හැකි අයුරින් නත්තල් සමරති. “යහපත් මිනිසා තම සිතෙහි නිදන් කළ යහපත් දෙය ද, අයහපත් මිනිසා තම සිතෙහි නිදන් කළ අයහපත් දෙය ද වපුරන බව” බයිබලයේ සඳහන් ව තිබේ. මින් පැහැදිලි වන්නේ යහපත, මනුෂ්‍යත්වය පිරුණු රටක්, ලොවක් වෙනුවෙන් කැපවීමට ජේසු සමිදු මාර්ගය පෙන්වා දී ඇති බව යි. ශ්‍රී ලාංකේය කිතුනු ජනතාව දැන් වසර කිහිපයක සිට වින්දිතයෙක් ලෙස පාස්කුව හා නත්තල එකට ගෙන අත්විඳින තත්ත්වයකට පත්ව ඇත. ඔවුන්ට තවමත් සාධාරණය ඉටු නොවීම සහ චූදිතයන් හඳුනා ගැනීමට කටයුතු නොකිරීම හේතු කොට ගෙන වින්දිතයන් තවමත් ඛේදවාචකය තුළම ගිලෙමින් සිටි. අප යළි යළිත් අවධාරණය කරන්නේ පාස්කු ප්‍රහාරයේ චූදිතයන් හඳුනා ගෙන වින්දිතයන්ට සාධාරණය ඉටුකරන ලෙස ය. නත්තලේ පණිවුඩය මිහිමත සකල ජනතාවට සාමය උදාවේවා යන්න යි. විමුක්තියේ පණිවුඩය ලොවට ගෙනයමින් සැබෑ නත්තලේ අරුත විදහාලන සතුට සාමය සපිරි සුබ නත්තලක් වේවායි පතමු

උදා වූ දීපාවලී ආලෝකයෙන් ඔබ සැමට සෞභාග්‍යමත් අනාගතයක් කරා පියනැගීමට අවශ්‍යය නිවැරදි මාවත ඒකාලෝක වේවා !

2023.10.23

නබි නායකතුමාගේ උපන් දිනය වෙනුවෙන් විපඛ්ෂ නායකතුමා විසින් නිකුත් කළ සුභාශීංසන පණිවිඩය